كرامتك لعيال عمك كرامة - صحيفة عرعر اليوم

صحيفة عرعر اليوم

صحيفة عرعر اليوم





 

المقالات
الشعر الشعبي
كرامتك لعيال عمك كرامة
كرامتك لعيال عمك كرامة
02-08-2018 03:58 PM

خالد رافع العنزي
خالد رافع العنزي


كرامتك لعيال عمك كرامة

كرامتك لعيال عمّك كرامه
وْكرامتك بالاجنبي للقبيله
احدٍ يجمل في فعوله عمامه
واحدٍ يجيب الناقصة والفشيله
كم واحدٍ يرفع مقامك مقامه
وكم واحدٍ ما ودك احدٍ دري له
ازبن على اللي فيه طيب وْشهامه
واحذر من المخيول لا تلتجي له
ياصاحبي ماهي بلحية وسامه
الطيّب اللي يكسبك في جميله
لا قلت تكفى ..جاك كل اهتمامه
(ومن وين ماهبّ الهوى يرتكي له)*
واللي يكسّر دون ربعه عظامه
ماهو مثل راعي الردى والرذيله
اللي نهار الضيق مثل النعامه
لحتاجوا الفزعات جاب الهزيله
لو هو جمل يمدي عرفنا سنامه
لا شال شيِّ مْن الحمول الثقيله
هذا المرض سمّوه داء الرخامه
ولا يصيب الا الردي والهبيله
ان جيت له بالطيب جاتك سهامه
تطعن قفاك بْكل خبثٍ و حيله
طعْم البحر ما غيّرته الغمامه
لوّ امطرت فوقه سنينٍ طويله
و ارض الردى ما تنبت الا الندامه
لوّ ينزرع فيها الكرم و الفضيله
كنّك تصب الما بصحرا الثمامه
ترجي يبان الطيب والا مسيله
فاحذر تطيع الياس والا الملامه
واترك دروب اهل القلوب العليله
خلّك على طيبك ليوم القيامه
والله يجازي كل راعي جزيله
دام اصلك الطيّب عطاك الكرامه
طيب الرطب من طيب عالي نخيله
هاك المثل ياللي تحب الزعامه
من فزعة شْطيّط و نصرة دخيله
قال المغرنج قول و اوفى كلامه
كتفه يدخّن دون شيخ القبيله

الشاعر خالد رافع
‏khaledral3nzi@


خدمات المحتوى


تقييم
1.02/10 (194 صوت)




Powered by Dimofinf cms Version 3.0.0
Copyright© Dimensions Of Information Inc.

صحيفة عرعر اليوم
الرئيسية |الأخبار |المقالات |الصور |البطاقات |الفيديو |راسلنا | للأعلى